മുപ്പത് വര്‍ഷമായി ഡോക്യുമെന്ററി രംഗത്തും ഛായാഗ്രഹണ മേഖലയിലും പ്രവര്‍ത്തിക്കുന്ന രഞ്ജന്‍ പാലിത് ഫിലിം ആന്‍ഡ് ടെലിവിഷന്‍ ഇന്‍സ്റ്റിറ്റിയൂട്ട് ഓഫ് ഇന്ത്യയില്‍ നിന്നും പരിശീലനം നേടിയ വ്യക്തിയാണ്. അദ്ദേഹത്തിന്റെ ചിത്രങ്ങളില്‍ കശ്മീര്‍ പ്രശ്‌നം മുതല്‍ ഭോപ്പാല്‍ വാതക ദുരന്തം വരെ പ്രമേയങ്ങളായിട്ടുണ്ട്. ആദ്യ സംവിധാന സംരംഭമായ ' വോയ്‌സസ് ഫ്രം ബലിയപാല്‍' മുംബൈ ഇന്റര്‍നാഷണല്‍ ഫിലിം ഫെസ്റ്റിവലില്‍ 'ഗോള്‍ഡന്‍ കോഞ്ച്' പുരസ്‌കാരം നേടി. രാജ്യത്തെ രാഷ്ട്രീയ കാലാവസ്ഥയോടുള്ള പ്രതിഷേധമായും ഫിലിം ആന്‍ഡ് ടെലിവിഷന്‍ ഇന്‍സ്റ്റിറ്റിയൂട്ടില്‍ നടന്ന സമരങ്ങളില്‍ അനുഭാവം പ്രകടിപ്പിച്ചും തനിക്കു ലഭിച്ച മൂന്ന് ദേശീയ പുരസ്‌കാരങ്ങള്‍ തിരികെ കൊടുത്തതിൻറെ പേരില്‍ 2015 ല്‍ വാര്‍ത്തയില്‍ നിറഞ്ഞ വ്യക്തി കൂടിയാണ് രഞ്ജന്‍ പാലിത്. 250 പരസ്യചിത്രങ്ങളും 10 ഹ്രസ്വചിത്രങ്ങളും 12 ഡോക്യൂമെന്ററികളും അദ്ദേഹം ചെയ്തിട്ടുണ്ട്.
രാജ്യത്തിനകത്തും പുറത്തുമായി നിരവധി ശില്പശാലകള്‍ക്കും മാസ്റ്റര്‍ ക്ലാസ്സുകള്‍ക്കും അദ്ദേഹം നേതൃത്വം നല്‍കി.
No comments:
Post a Comment